အိပ်မက်တွေအားလုံးကို မီးရှို့ပစ်လိုက်တယ်
ဘ၀က ဖြစ်ချင်တိုင်းဖြစ်ခွင့်မရှိလို့. . .။”
မိုးကောင်းကင်ကြီးကို မော့မော့ကြည့်ရင်းသက်ပြင်းမောတွေ ခဏခဏချမိနေတာ
ညီမလေးသတိထားမိပါ့မလား ။ ခက်တယ်ညီမလေးရယ်. . .မင်းအပြုံးတွေမြင်တွေ့ပြီးတဲ့အချိန်ကတည်းက
ငါ့ဒိုင်ယာရီမှာ ညီမလေးနာမည်တွေ အကြိမ်ကြိမ်ပါလာတာ. . .ရင်ခုန်သံတိုင်းမှာ မင်းရယ်သံလွင်လွင်တွေ
ငြိတွယ်နေတာ မင်းမြင်တွေ့သတိထားမိရဲ့လား။ အမေးတွေရှိနေပါတယ် အဖြေကတော့ ဟိုးအဝေးမှာပေါ့။
ညတွေနက်သထက်နက်လာတာ မင်းကြောင့်ပါညီမလေး. . .။ ငါ့မသိစိတ်နဲ့သိစိတ်နှစ်မျိုးလုံးမှာ မင်းနာမည်ကို
အကြိမ်ကြိမ်ရေးခြစ်နေမိတယ်။
“နေမြင့်လို့အရူးရင့်သွားတာလား
အရူးရင့်ဖို့နေမြင့်ပေးတာလား. . .။”
မျက်ရည်တွေမိုးရာသီတစ်ခုစာ ကျပြလိုက်လည်း ညီမလေးနဲ့ဆုံနိင်ဖို့
အခွင့်မရှိတဲ့သူပါ။ငါဟာဝေသန္တရာမင်းမဟုတ်ခဲ့ဘူး. . .ကျန်စစ်သားလည်းမဟုတ်ခဲ့ဘူး ။
ငါ့အတွက်ဘယ်သူမှလည်းသမိုင်းစာမျက်နှာမှာထည့်သွင်းဖို့ စဉ်းစားပေးကြမှာ မဟုတ်ဘူး။ ဒါပေမယ့်
မင်းရဲ့ဒိုင်ယာရီဖြစ်ဖြစ်
ရှေးဟောင်းနှောင်းဖြစ်အပြောတွေမှာ ဖြစ်ဖြစ် ငါ့အကြောင်းစာတစ်ကြောင်းစာလောက် ပါဝင်ခွင့်ရခဲ့ရင်
ငါပျော်နေမှာပါ ။ ညီမလေးရယ်. . .ယောကျာ်းတစ်ယောက်ရဲ့ စွန့်လွှတ်နိင်စွမ်းဆိုတာ မျက်ရည်တွေ
လှိုင်လှိုင်ရင်းမှ ရတက်တဲ့အရာမှန်း ငါကိုယ်တွေ့ကြုံမှ သိလိုက်ရတယ်။
“လိုတာထက်ပို မပျိုးမိလည်း
ကျွန်တော့်မျှော်လင့်ချင်းတွေကတော့ နေ၀င်စောခဲ့တယ်. . .။”
အခါခါမက်ခဲ့သောအိပ်မက်တို့ဟာ စိတ်နှလုံးပျော်ရွှင်ဖွယ်ဖြစ်ခဲ့သလို အဲဒီ့လိုပဲဖြစ်လာစေဖို့
ရည်စူးမျှော်လင့်ခဲ့တာလည်း အခါခါပါ။ အိပ်မက်နဲ့လက်တွေ့ဟာ အစဉ်ကွာခြားနေတက်မှန်း
ငါသိလိုက်ရတဲ့အချိန်မှာ ငါ့ကမ္ဘာအရာရာဟာ မှောင်မည်းနေခဲ့ပြီ ညီမလေး. . .။ သူ့ကိုတွေ့တော့
လင်းကနဲလက်သွားတဲ့ မင်းမျက်ဝန်းတွေ ငါဘာသာပြန်ခဲ့မိတာ ငါ့အတွက်မှားသွားတာလား
မဖြေမှန်တစ်ခုကို အစောဆုံးရှာတွေ့သွားတာလား ငါမဝေခွဲတက်တော့ဘူး။ သေချာတာတစ်ခုကတော့
ရင်တစ်ခုလုံး
အကြီးအကျယ်နှုံးချည့်သွားတယ်။
“ငါဟာ အဆိပ်သင့်နေတဲ့ တေလေတစ်ကောင်
ရင်ဘက်မှာလည်း ဟောင်းလောင်းပေါက်နဲ့. . .။”
မျက်နှာချင်းဆိုင်ဖို့ခက်နေလို့ခေါင်းငုံ့ထားမိတာပါ. . .။ အသံတွေထဲက၀မ်းနည်းမှုတွေ
မင်းကြားသွားမှာစိုးလို့ ငါ့ဆွံ့အနေတာပါ။ ရှုံးနေတဲ့လူကို ထက်ရှုံးအောင် လုပ်ချင်နေတာလား
ညီမလေးရယ် ။ ငါ့ရဲ့ အသဲကွဲနေတဲ့ ကဗျာတစ်ချို့သောက်လက်စ ဆေးပေါ့လိပ်တို တွေပြည့်နေတဲ့
အခန်းထဲက ခိုတစ်ကောင်လို ညည်းညူသံတွေမှာ မင်းနာမည်တွေ တန်းစီပါနေတာ
မင်းသတိထားမိချင်မှထားမိမယ်။ ဟိုတစ်စ ဒီတစ်စ ပြန့်ကျဲနေတဲ့ စာရွတ်တွေမှာ မျက်ရည်စက်လက်နဲ့
ငါ့အသဲကွဲမျှော်လင့်ချင်းတွေပါမယ်။ မင်းက မင်းချစ်သူနဲ့ပျော်နေချိန်မှာ အထီးကျန်တာကို
ရင်နဲ့မဆန့်အောင်ခံစားနေရတဲ့ ငါ့ကို သတိရချင်မှရမယ်။ ငါ့ဝင်သက်ထွက်သက်တိုင်းမှာ မင်းရှိတယ်။
ညီမလေး. . .ငါဟာ မင်းနာမည်သုံးလုံးကို တတွတ်တွတ်ရွတ်ရင်း ရူးနေတဲ့
အပေါစားတေလေတစ်ကောင်ပေါ့. . .။
“တငွေ့ငွေ့ကျွမ်းလောင်နေတဲ့ အိပ်မက်တွေထဲမှာ
ရှင်သန်နေမှုရဲ့ အဓိပ္ပါယ်တစ်ချို့ပါသွားလေရဲ့. . .။”